Datuak Babesteko Araudi Orokor berria (DBAO)

Enpresek neurri tekniko egokiak ezarri behar dituzte datuak tratatzeko sistemen eta zerbitzuen isilpekotasuna, eskuragarritasuna eta erresilientzia bermatzeko.

Gainera, gorabehera fisiko edo tekniko bat dagoenean, datu pertsonalak ahal bezain laster berriro eskuragarri jartzeko gaitasuna izan behar dute.

Bestalde, neurri teknikoen eta antolakuntzakoen eraginkortasuna egiaztatzeko, ebaluatzeko eta baloratzeko prozesu erregular bat ezarri behar dute, tratamenduaren segurtasuna bermatzeko.

Norbait datuetara baimenik gabe sartu eta segurtasuna urratzearen ondorioz datu pertsonalak suntsitu, galdu edo aldatzen badira, erabiltzaileei eta eskumena duen agintariari jakinarazi behar zaio, 72 orduko epean gehienera jota.

Zigorrak gogortu dira: 20 milioi eurora artekoak edo aurreko ekitaldiko urteko fakturazio orokorraren % 4ra artekoak izan daitezke, arau-hauste larrienetan.

Hodeiticen datuak babesteko lege berrira egokitzen lagunduko dizugu:

Sistemen eta prozeduran segurtasuneko ikuskaritzak egingo ditugu eta teknikarik onenak ezartzen lagunduko dizugu.

Zure enpresako langileak trebatuko ditugu eguneroko teknologia modu seguruan erabiltzeko jarraibide batzuk izan ditzaten, segurtasun-etenak saihesteko eta inor datu pertsonal babestuetara baimenik gabe sartzea saihesteko.

Detektatutako segurtasun-etenen berri emango dizugu aldizka, eta jakinaren gainean izango zaitugu erasotzeko eta datu pertsonalak lapurtzeko metodo berriak daudenean ere.

Behar baduzu, aholkularitza teknikoko eta lege-aholkularitzako zerbitzu oso bat eskain diezazukegu, gure partnerretako baten laguntzarekin.